Presidentja e vendit, Vjosa Osmani është takuar me diplomatët e Grupit Punues të BE-së për Ballkanin Perëndimor, ku ka theksuar se Kosova është e përkushtuar për t`i përmbushur obligimet dhe kriteret për anëtarësim në BE.
Ajo tha se Kosova është në një linjë me politikën e jashtme të BE-së.
“Kosova është në linjë të plotë me politikën e jashtme dhe të sigurisë së BE-së. Rrjedhimisht duhet të ecet përpara me statusin e vendit kandidat”, ka theksuar Presidentja Osmani.
Osmani, para diplomatëve foli edhe për angazhimin dhe përkushtimin për avancimin e agjendës për gratë, paqen dhe sigurinë
“Më tej, Presidentja Osmani tha se Kosova e ka inkorporuar Konventën Evropiane për Mbrojtjen e të Drejtave të Njeriut dhe instrumente të tjera ndërkombëtare për të drejtat e njeriut në Kushtetutën e saj, duke siguruar të drejtat e komuniteteve, sundimin e ligjit dhe qeverisjen demokratike, siç dëshmohet nga organizata të besueshme ndërkombëtare”, thuhet po ashtu në njoftimin e Zyrës së Presidencës. /teve1.info/
