Presidentja e Kosovës, Vjosa Osmani, ka thënë se Kosova është e gatshme ta ndihmojë Turqinë përmes FSK-së pas goditjes nga tërmeti në orët e hershme të mëngjesit.
Osmani përmes një postimi në Twitter ka shprehur ngushëllime për jetët e humbura ndërsa u ka uruar shërim të gjithë të lënduarve.
“Bashkëndjej me të gjitha komunitetet e prekura nga tërmeti shkatërrues në Turqi. Ngushëllimet më të thella për të gjitha jetët e humbura dhe i uroj shërim të shpejtë të gjithë të lënduarve. Solidaritet i plotë me popullin e Turqisë. Republika e Kosovës është gati të ofrojë mbështetjen e nevojshme edhe nëpërmjet FSK-së”, ka shkruar Osmani.
Mbi 500 persona raportohet se kanë vdekur nga një tërmet me magnitudë 7.8 që ka goditur Turqinë dhe Sirinë.
Edhe Qeveria e Kosovës ka ofruar mbështetjet për Turqinë. Mbështetje ka dhënë edhe BE e SHBA./teve1.info/
