Osmani tha se BE-ja duhet të marrë masa praktike ndaj Serbisë.
“Pas agresionit në Ukrainë, ka interes të Rusisë të zhvendos vëmendjen në disa vende. Fatkeqësisht Serbia është duke u kthyer nga Moska, ajo po mundohet të ec në dy rrugë, të cilat janë larg njëra tjetrës”, tha ajo.
Sipas saj, NATO-ja duhet të fuqizojë rolin e saj në Evropën Lindore.
“BE duhet të marrë masa praktike ndaj Serbisë, ajo duhet të merr vendim dhe të suspendojë bisedimet ndaj Serbisë”,theksoi ajo. Sipas saj NATO-ja duhet të fuqizojë rolin e saj në Evropën Lindor. “Kosova dhe Bosnjë Hercegovina duhet të jenë pjesë e NATO-së. Aq më herët që jemi pjesë e NATO-së, roli i Rusisë zvogëlohet në Ballkanin Perëndimor”, tha ajo.
Po ashtu, presidentja Osmani ka theksuar se Kosova beson në Procesin e Berlinit dhe për këtë lidershipi i Kosovës po punon për të, teksa foli edhe për liberalizimin e vizave, ku tha se BE-ja duhet të mbajë premtimin për vizat.
“Ne kemi plotësuar 94 kritere për vizat, dhe kemi pasur më shumë se të gjitha shtetet e tjera, tani presim që BE të përmbush premtimet ndaj Kosovës”, deklaroi ajo. Për mundësinë që Kosovës të iu hiqen vizat, nën presidencës çeke të BE-së, Osmani shpreson që BE-ja të mbajë fjalën për këtë.
Ndërkaq, Osmani tha se “ne jemi viktimat e gjenocidit të kryer nga Serbia”
Presidentja e Republikës së Kosovës, Vjosa Osmani, në “Forumin Strategjik të Bledit’, në Slloveni, tha se Kosova gjithmonë ka kontribuar për paqe edhe stabilitet në rajon. “Ne jemi viktimat e gjenocidit të kryer nga Serbia. Ne jemi pesë shtete në Ballkan, ndërsa kemi një që është pro Rusisë, ajo është Serbia”, deklaroi ajo.
