Presidentja e Kosovës, Vjosa Osmani në konferencën për media është pyetur rreth asaj se sa do të vonohet Gjykata Kushtetuese për të marrë vendim për kërkesën që ajo e ka dorëzuar.
E para e vendit tha se shpreson që Gjykata ta prioritizojë këtë çështje dhe të vendosë sa më shpejt.
“Unë nuk e di sa kohë mund t’i marrë Gjykatës për të vendosur për të gjitha meritat e kësaj kërkese, por duke pasur parasysh se si po rrezikohet rendi kushtetues i vendit tonë mbes me shpresë që Gjykata do ta prioritizojë këtë temë dhe do të vendosë sa më shpejt që të jetë e mundur duke pasur parasysh rrethanat”, përfundoi ajo./teve1.info/
