Pas takimit në një konferencë për media Osmani ka shprehur mirënjohje për USAID-in për kontributin e dhënë në Kosovë në shumë fusha përfshirë edhe luftimin e krimit dhe korrupsionit, raporton teve1.info
“Ne ju jemi mirënjohës që edhe vendi ynë ka qenë përfitues i shumë projekteve që janë mbështetur nga populli amerikan. Në emer të popullit të Kosovës, natyrisht që falënderimi është i madh për këtë kontribut të popullit amerikan. USAID-i ka kontribuar me më shumë se 1 miliardë dollarë në forcimin e intitucioneve të Kosovës, në demokratizimin e vendit tonë, në ndërtimin e një ekonomie të qëndrueshme e gjithëpërfshirëse, e në shumë fusha të tjera, që përfshinë edhe luftimin e krimit dhe korrupsionit”, u shpreh ajo.
Tutje Osmani theksoi se nga McKee ka kërkuar mbështetje për eliminimin e dhunës në baza gjinore, teksa u shpreh e lumtur se ka marrur përgjigje pozitive nga ana e USAID-it.
“Sot diskutuam edhe për fushat e tjera të bashkëpunimit dhe më konkretisht kërkova mbështetje për përpjekjet tona për eliminimin e dhunës në baza gjinore dhe natyrisht që jam shumë e lumtur që mora përgjigje pozitive nga ana e USAID-it për përkrahje në këtë drejtim për ta luftuar këtë dukuri e cila për fat të keq është shndrruar në pandemi anë e kënd globit”, deklaroi Osmani.
E ndihmës administratorja e USAID-it, Erin E. McKee, është shprehur se e ardhmja e Kosovës varet edhe nga forcimi i sistemit energjetik.
“Ardhmëria e Kosovës varet edhe nga forcimi i sistemit energjetik, ne do të jemi këtu që të ndihmojnë në diversifikimin e furnizimin me energji elektrike.Do t’i ndihmojmë Kosovës që të bëjë tranzicionin drejt dekarbonizimit”, tha ajo.
Tutje ajo u shpreh se normalizimi i raporteve në mes Kosovës e Serbisë, është mënyra më e mirë që do t’i ndihmojë Kosovës.
“Më duhet të jem e qartë se normalizimi i raporteve në mes Kosovës dhe Serbisë me njohjen e ndërsjelltë në qendër, është mënyra më e mirë që do t’i ndihmojë Kosovës që t’i përmirësojë raportet e saj me vendet fqinje dhe në këtë mënyrë rrjedhimisht edhe të zë vendin e vet në mesin e vendeve të tjera në kuadër të integrimeve evropiane dhe euroatlantike”, u shpreh McKee.
“Ne do të jemi këtu për të gjitha vendet e rajonit, për Kosovë edhe për Serbi, në mënyrë që të krijojmë një mjedis ku të rinjtë nuk do ta shohin të ardhmen më në vendet jashtë atdheut të tyre, por do të shohin një të ardhme në vendet e tyre”, shtoi ajo./teve1.info
