E premtja shefen e shtetit, e gjeti në sheshin “Ibrahim Rugova”
Osmani realizoi takim me një mysafir të nivelit të lartë.
Ndonëse reshjet e shiut nuk u ndalën për asnjë minutë, këtu ishin bërë edhe përgatitjet e fundit.
E mysafiri i pritur, erdhi.
Por, fillimisht duhet respektuar rregullat protokollare.
Pas takimit, dy presidentët dolën në një konferencë për media.
Vjosa Osmani, tha se dikush në BE, po tenton t’i keqpërdor masat ndëshkuese ndaj Kosovës.
“Për fat të keq ato nuk janë larguar dhe unë pajtohem me ju se ka tendencë nga disa që masat të keqpërdoret në mënyrë për të kushtëzuar Kosovën për çështje komplet të ndryshme nga arsyeja që janë vendosur në fillim. Një qasje të tillë unë e kam kundërshtuar edhe në samitin BE-Ballkan Perëndimor që u mbajt me 13 dhjetor. Në fakt kjo logjika sikurse përdoreshin liberalizimi i vizave për të kushtëzuar Kosovën për çështje të dialogut do të ketë efekt vetëm negativ. Nëse dikush mendon të kushtëzohet heqja e masave me ndonjë veprim të Kosovës në kuadër të zbatimit të marrëveshjes vetëm sa do të ketë efekt negativ”, tha Osmani.
Ndërkohë mysafiri bullgar, nuk la pa përmendur sulmet e 24 shatorit në Banjskë.
“Të mos harrojmë se Serbia është në proces me BE për anëtarësim. Sa i përket Bullgarisë ne vazhdojmë të ngulim këmbë për dialog dhe paralelisht zbatim të të gjitha marrëveshje të arritura. Ne kategorikisht përjashtojmë dhunën dhe sulmet e armatosura. Pranoni keqardhjen për faktin se një polic e humbi jetën në Banjskë dhe ngulim këmbë që BE për gjetjen e një marrëveshje të pranueshme për të dyja palët”, tha ai.
Radev tha se nuk mund ta lënë në rend të dytë Kosovën.
Ndërsa shtoi se në shtator do të krijohet një Dhomë e Posaçme për tregtinë mes dy vendeve.
