Presidentja e Kosovës, Vjosa Osmani, ka thënë se institucionet e sigurisë në bashkëpunim me aleatët janë duke punuar që të eliminojnë ç’do përpjekje për tensione në Kosovës në pragë të zgjedhjeve të Serbisë të cilat do të mbahen më 17 dhjetor.
Ajo ka thënë se nëse dikush shkakton tensione ajo është Serbia.
“Në qoftë se dikush shkakton tensione ajo është Serbia. Natyrisht ne jemi duke bërë të gjitha përgatitjet tona me institucionet e sigurisë dhe në bashkëpunim me aleatët tanë në mënyrë që të eliminohet çdo tentativë për tensione”, ka thënë Osmani të mërkurën.
Sa i përket organizmit të zgjedhjeve të Serbisë në Kosovë, ka thënë se vendi ynë ka kërkuar që të respektohet modelet më të mira ndërkombëtare.
“Kosova sa i përket zgjedhjeve të Serbisë ka kërkuar që të respektohen modelet më të mira ndërkombëtare. Kriteret e komisionit të Venecias, e drejta ndërkombëtar sa i përket zgjedhjeve të një shteti në një shtet tjetër. Meqenëse Serbia nuk i ka plotësuar ato kritere, atëherë janë ata që e kanë pamundësuar një proces të tillë, duke mos pranuar se këto zgjedhje janë të një shteti në një shtet tjetër”, tha Presidentja.
Osmani ka paralajmëruar një takim me partitë opozitare për të diskutuar për draftstatutin e Asociacionit. /teve1.info/
