Presidentja e Kosovës, Vjosa Osmani është takuar në Paris me zëvendëspresidentin amerikan JD Vance.
Sipas Presidencës Osmani i ka konfirmuar atij përkushtimin për thellimin e bashkëpunimit në fusha të interesit të përbashkët.
Po ashtu në njoftim thuhet se ajo i ka shprehur Vance mirënjohje për aleancën me SHBA-të.
“Në Paris, Presidentja Osmani takoi Zëvendës Presidentin amerikan J.D. Vance. Me këtë rast, ajo shprehu mirënjohjen e thellë për aleancën me SHBA-të, duke konfirmuar përkushtimin për thellimin e bashkëpunimit në fusha të interesit të përbashkët”, thuhet në njoftim.
Presidentja Vjosa Osmani është duke qëndruar në Paris me ftesë të Presidentit të Republikës Franceze, Emmanuel Macron ku do të marrë pjesë në Samitin për Inteligjencën Artificiale./teve1.info/
