Labinot Osmani është i ka dhënë fund karrierës si futbollist.
Osmani, një prej sulmuesve më të mirë në Kosovë, e mbyll karrierën e tij si lojtar aktiv, me shtatë trofe të fituar në Kosovë.
Osmani dy herë ishte fitues i Superligës së Kosovës në futboll, me Hysin dhe Vushtrrinë.
Kupën e Kosovës e fitoi me Hysin po ashtu dhe me Prishtinën, ndërsa trofetë e Superkupës së Kosovës i ka të fituar me Hysin, Prishtinën dhe Vushtrrinë.
37-vjeçari karrierë ka bërë edhe te Trepça ’89, Feronikeli, Llapi e Dukagjini.
“Të dashur familjar, miq e futbolldashës. Me anë të këtij postimi dua t’iu njoftoj se pas një rrugëtimi të gjatë si futbollist, ka ardhur koha që këtij rrugëtimi t’i jap fund. Edhe pse shumë e vështirë ta merrja këtë vendim, mendoj se ka ardhur momenti t’i them lamtumirë futbollit aktiv”, ka shkruar ndër të tjera Osmani në llogarinë e tij në Facebook të enjten.
