Presidentja e Kosovës, Vjosa Osmani, është paraqitur para anëtarëve të Këshillit të Sigurimit të Kombeve të Bashkuara me një fjalim kushtuar dhunimeve seksuale gjatë luftës në Kosovë.
Sipas një videoxhirimi të dërguar për medie, Osmani Osmani iu ka drejtuar shteteve të shumta anëtare të Kombeve të Bashkuara, përfaqësuesve të shoqërisë civile e medieve për dhunimet seksuale të kryera gjatë luftës së fundit në Kosovë.
Ndër të tjera, Presidentja Osmani në fjalimin e saj e ka falënderuar Shqipërinë për nismën si dhe për ftesën që të flas në emër të Republikës së Kosovës, për siç ka thënë ajo, t’i dhënë zë mijëra të mbijetuarave të dhunës seksuale në luftën e fundit në Kosovë.
“Mirënjohëse edhe ndaj Shteteve të Bashkuara të Amerikës dhe Mbretërisë së Bashkuar si bashkë-organizatorë të kësaj seance”, ka thënë ndër të tjera Presidentja Osmani.
