Përmes adresimit për fundvit para FSK-së, presidentja Osmani tha se viti që po shkon ishte me sfida jo vetëm për Kosovën.
“Viti që po e lëmë pas u përcoll me sfida jo vetëm për ne, por për mbarë botën. Duhet të jemi të vetëdijshëm që sfidat do të rriten krahas me përpjekjet për ta sfiduar paqen dhe rendin e ligjin botëror nga regjimet autoritare dhe hegjemoniste. Në kohë kur arkitektura e sigurisë në vendin tonë po rritet forcimi i kapaciteteve mbrojtëse është domosdoshmëri, andaj na duhet devotshmëri për shtetin që republikës ti bëhemi gardianë.
Në këtë fundvit, përkrah falënderimit për secilin nga ju të udhëhequr nga komandanti Bekim Jashari shkon edhe për aleatët tanë në krye me SHBA-në, të cilët po na ndihmojmë ta ngrisim ushtrinë tonë”, tha Osmani.
Ajo shtoi se edhe këtë vit ushtria e Kosovës po e gëzon besimin më të madh nga të gjitha institucionet e shtetit.
Osmani tha se buxheti për ushtrinë i paraparë për vitin e ardhshëm do të jetë 123 milionë euro, duke thënë se është rritur e do të jetë në funksion të modernizimit të mëtejmë.
Presidentja ndau edhe medalje për pjesëtarë të FSK-së.