Presidentja e Kosovës, Vjosa Osmani të martën ka pritur në takim ambasadorin italian në Kosovë, Antonello De Riu.
Në takim thuhet se është diskutuar për ecurinë e procesit zgjedhor, si dhe konstituimin e institucioneve pas certifikimit përfundimtar të rezultateve nga zgjedhjet parlamentare të 9 shkurtit.
Sipas Presidencës, Osmani dhe De Riu po ashtu kanë diskutuar edhe për zhvillimet e fundit në vend dhe çështjet e sigurisë.
“Në mes tjerash u diskutuan çështje të bashkëpunimit bilateral me fokus te mundësitë konkrete për thellimin e këtij bashkëpunimi”, thuhet në njoftim./teve1.info/
