Presidentja e Kosovës, Vjosa Osmani, të enjten ka pritur në një takim lamtumirës komandantin e KFOR-it, gjeneralmajor Özkan Ulutaş.
Sipas njoftimit të Presidencës, gjatë takimit Osmani ka vlerësuar kontributin e vazhdueshëm të KFOR-it për paqen dhe stabilitetin në Kosovë duke theksuar se prania e këtij misioni është kyçe për paqe dhe stabilitet.
Ajo, po ashtu ka shprehur mirënjohjen e saj për përkushtimin e gjeneralit Ulutaş në funksion të paqes dhe sigurisë për të gjithë qytetarët e Kosovës.
“Presidentja e Republikës së Kosovës, Vjosa Osmani, ka zhvilluar sot një takim lamtumirës me komandantin e KFOR-it, gjeneralmajor Özkan Ulutaş. Gjatë takimit, Presidentja Osmani shprehu mirënjohjen e saj për përkushtimin e gjeneralit Ulutaş në funksion të paqes dhe sigurisë për të gjithë qytetarët e Kosovës. Presidentja Osmani vlerësoi kontributin e vazhdueshëm të KFOR-it për paqen dhe stabilitetin në Kosovë, duke theksuar se prania e këtij misioni është kyçe për paqe dhe stabilitet. Më tej, presidentja Osmani rikonfirmoi përkushtimin e Kosovës për bashkëpunim të ngushtë me KFOR-in dhe falënderoi gjeneralin Ulutaş për kontributin e deritashëm, duke i uruar suksese në angazhimet e mëtejme”, thuhet në njoftim./teve1.info/
