Presidentja e Kosovës, Vjosa Osmani ka takuar komandantin e KFOR-it, Özkan Ulutaş.
E para e shtetit ka falënderuar komandanti për lidershipin e tij dhe për rolin e KFOR-it në funksion të sigurisë për të gjithë qytetarët e Kosovës.
Ajo ka thënë se bashkëpunimi i ngushtë me NATO-n mbetet thelbësore për ruajtjen e paqes dhe sigurisë në Kosovë e rajon.
“Siguria garantohet me angazhim të përditshëm dhe partnerë të besueshëm. Në takim me Komandantin e KFOR-it, Özkan Ulutaş, e falënderova për lidershipin e tij dhe për rolin e KFOR-it në funksion të sigurisë për të gjithë qytetarët e Republikës së Kosovës, pa dallim. Bashkëpunimi i ngushtë me NATO-n mbetet thelbësor për ruajtjen e paqes dhe sigurisë në Kosovë e rajon, e në veçanti përballë veprimeve të vazhdueshme destabilizuese të Serbisë”, ka shkruar Osmani./teve1.info/
