Presidentja e Kosovës , Vjosa Osmani ka falënderuar presidentin e Turqisë, Erdogan dhe bashkëshorten e tij dhe gjitha institucionet turke për mbështetjen ndaj Kosovës në përgjatë Forumit Diplomatik të Antalyas.
Ajo ka thënë në këtë forum me njohjen nga Sudani dhe diskutimet me shumë liderë të shteteve që nuk e kanë njohur Kosovën, janë dëshmi e përkushtimit të vendi për ndërtimin e raporteve të reja dhe forcimin e atyre me aleatët.
“Një falënderim i veçantë për Presidentin Erdoğan, Zonjën e Parë Emine Erdoğan dhe të gjitha institucionet turke për mikpritjen dhe mbështetjen e shtetit tonë përgjatë Forumit Diplomatik të Antalyas, e cila është një platformë e rëndësishme për t’i thelluar raportet tona me aleatët tanë dhe për të krijuar partneritete të reja. Njohja nga Sudani dhe diskutimet konkrete me përfaqësues të vendeve që ende nuk e kanë njohur Kosovën, si dhe takime me shumë partnerë të tjerë, dëshmojnë përkushtimin tonë për ndërtimin e miqësive të reja dhe forcimin e aleancave ekzistuese. Kosova çdo ditë e më shumë po e fuqizon pozitën e saj në arenën ndërkombëtare falë punës së pandalshme dhe mbështetjes së miqve që gjithnjë na qëndruan pranë”, ka shkruar Osmani.
