Presidentja e vendit, Vjosa Osmani ka thënë se sa i përket pesëshes mosnjohëse brenda BE-së, beson se Kosova është në rrugën e duhur dhe do të gjendet një zgjidhje.
“Pavarësia e Kosovës është një fakt i pakthyeshëm, kështu që ne jemi këtu për të vazhduar të jemi shtet i pavarur dhe sovran, është vetëm çështje kohe se sa shpejt disa vende do ta zyrtarizojnë vendimin e tyre për të na njohur”, deklaroi Osmani
Presidentja ka thënë se Kosova ka besim në Evropën, megjithatë ajo nuk pajtohet me qasjen e BE-së ndaj Serbisë
“Nëse nuk do të kishim besim në Evropë, nuk do të përpiqeshim kaq shumë për t’u bashkuar me vendet e tjera evropiane. Ndonjëherë mendoj se disa nga metodat që ata zgjedhin kundër Serbisë nuk janë të duhurat, sepse historikisht janë dëshmuar se janë të gabuara. Për shembull, unë nuk pajtohem me politikën aktive të qetësimit që shumë në Bashkimin Evropian, jo të gjithë por shumë, përdorin ndaj Serbisë, sepse metodat e zbutjes ndaj autokratëve kanë dëshmuar se sjellin më shumë shkatërrim dhe jo më shumë paqe ose stabilitet”, ka thënë Osmani për El Periodicon spanjolle, transmeton teve1.info.
Teksa Uashingtonin e ka quajtur aleatin ekzistencial të Kosovës.
