Presidentja e Kosovës, Vjosa Osmani, ka kujtuar veprimtarin, Shaban Manaj, në 24 vjetorin e rrëmbimit dhe vrasjes së tij.
Osmani ka thënë se Manaj mbetet simbol i përkushtimit, qëndrueshmërisë dhe angazhimit të palëkundur.
“Në historinë e Kosovës, emri i Shaban Manajt mbetet simbol i përkushtimit, qëndrueshmërisë dhe angazhimit të palëkundur. Një veprimtar politik, avokat dhe bashkëpunëtor i presidentit historik dr. Ibrahim Rugovës, i cili mishëroi qëndresën, shpresën, drejtësinë dhe barazinë u rrëmbye dhe u vra,” ka shkruar ajo në Facebook.
Tutje presidentja është shprehur se kontributi i tij për kauzën e lirisë dhe demokracisë do jetë frymëzim për brezat.
“Kontributi i Shaban Manajt për kauzën e lirisë dhe demokracisë do të kujtohet përgjithmonë dhe do të jetë frymëzim për brezat, ndërkaq vendosja e drejtësisë do të jetë angazhim i yni i vazhdueshëm!”, shtoi ajo. /tëvë1.info.
