Presidentja e Kosovës, Vjosa Osmani, ka njoftuar se ndodhet në Rhode Island të ShBA-ve në prag të Simpoziumit të 11-të ndërkombëtar për Gratë, Paqen dhe Sigurinë.
Osmani ka thënë se atje ka shkuar me ftesë të sekretarit amerikan të marinës, Carlos del Toro.
Sipas saj momente si këto dëshmojnë fuqinë e bashkëpunimit dhe përkushtimit për avancimin e paqes dhe stabilitetit në nivel global.
“Me ftesë të sekretarit amerikan të marinës, z. Carlos del Toro, jemi në Rohde Island të SHBA-ve, në prag të Simpoziumit të 11-të ndërkombëtar për Gratë, Paqen dhe Sigurinë. Momente si këto janë një dëshmi e fuqisë së bashkëpunimit dhe përkushtimit për avancimin e paqes dhe stabilitetit në nivel global”, ka shkruar presidentja Osmani në Facebook./teve1.info/
