Presidentja e Kosovës, Vjosa Osmani sot në orët e mëngjesit ka zhvilluar një takim në Paris me Dukën e Madh të Luksemburgut Henri dhe Dukeshën e Madhe Maria Teresa.
Osmani ka bërë të ditur se gjatë këtij takimi ka folur për fuqizimin dhe mbështetjen e të mbijetuarave të dhunës seksuale gjatë luftës, shkruan teve1.info
“Fuqizimi dhe mbështetja e të mbijetuarave të dhunës seksuale gjatë luftës ishte në fokus të diskutimeve tona në një mëngjes të përzemërt sot në Paris me Dukën e Madh të Luksemburgut Henri dhe Dukeshën e Madhe Maria Teresa.
Bashkimi i forcave dhe zërave tanë për të fuqizuar zërin e të mbijetuarve, do të fuqizojë edhe kauzën tonë të përbashkët për drejtësi”, shkruan ajo në Facebook.
