Osmani me ambasadorët diskutojnë për zhbllokimin e procesit të anëtarësimit të Kosovës në KiE
Presidenca e Kosovës, ka thënë se në takimet e ndara që ka zhvilluar e presidentja Vjosa Osmani me ambasadorin e Shteteve të Bashkuara, Jeffrey Hovenier, ambasadorin e Gjermanisë, Jorn Rohde, si dhe ambasadorin e Mbretërisë së Bashkuar, Jonathan Hargreaves, është diskutuar për zhbllokimin e procesit të Kosovës në Këshillin e Evropës.
Poashtu bëhet e ditur se gjatë ditës Osmani ka takuar edhe ambasadorë të vendeve tjera.
“Presidentja e Republikës Kosovës, Vjosa Osmani, ka pritur sot në takime të ndara ambasadorin e Shteteve të Bashkuara, Jeffrey Hovenier, ambasadorin e Gjermanisë, Jorn Rohde, si dhe ambasadorin e Mbretërisë së Bashkuar, Jonathan Hargreaves. Në këto takime është diskutuar anëtarësimi i Kosovës në Këshillin e Evropës dhe koordinimi për zhbllokimin e procesit anëtarësimit të Kosovës në këtë organizatë. Lidhur me këtë proces, Presidentja sot gjatë ditës ka biseduar edhe me ambasadorë të shteteve tjera aleate”, thuhet në komunikatën e Presidencës.
Gjatë ditës ministrja e Jashtme, Donika Gërvalla ka njoftuar se i ka shkruar një letër KiE-së ku e ka njoftuar se Kosova ka nisur hartimin e draftit të Asociacionit dhe se deri në fund të majit do të dërgohet në Gjykatën Kushteuse.
Kjo letër erdhi pasi Kosovës ju kërkua që të bëjë hapa konkret për themelimin e Asociacionit para mbledhjes së Këshillit të Ministrave të KiE, në mënyrë që Kosova të përfshihet në agjendë.
Por letra u konsiderua si e vonuar. E nga Presidenca u tha se nuk pati koordinim për këtë letër.
