Presidentja e Kosovës, Vjosa Osmani ka bërë të ditur se të martën në takimin me homologun e saj hungarez, Tamas Sulyok ka diskutuar për thellimin e partneritetit ndërmjet dy vendeve.
Osmani ka theksuar se potenciali për rritjen e mëtejme të këtij bashkëpunimi është i madh dhe se Kosova mbetet e përkushtuar për të hapur kapituj të rinj në marrëdhëniet dypalëshe.
“Në takim, i shpreha Presidentit Sulyok mirënjohjen e qytetarëve të Kosovës për rolin e Hungarisë në kuadër të KFOR-it, për mbështetjen e dhënë studentëve të Kosovës ndër vite, si dhe për iniciativat që kanë afruar edhe më shumë dy vendet tona”, ka shkruar ajo në Facebook.
Me ftesë të presidentit hungarez, Tamás Sulyok, të martën presidentja, Vjosa Osmani ka udhëtuar në Hungari , ku është pritur me nderime të larta ushtarake nga ai.
