Presidentja e Kosovës, Vjosa Osmani, me propozim të Këshillit Prokurorial të Kosovës ka dekretuar sot 21 prokurorë me mandat fillestar për tre vite.
Bëhet e ditur se të njëjtit do të sistemohen në prokuroritë themelore.
Në njoftim thuhet se presidentja Osmani, ka theksuar se integriteti dhe profesionalizmi i prokurorëve janë element thelbësor për sistemin e drejtësisë.
“Në ceremoninë e betimit, Presidentja Osmani ka theksuar se integriteti dhe profesionalizmi i prokurorëve janë elemente thelbësore për një sistem të drejtësisë që garanton barazinë dhe besimin qytetar.Në këtë kontekst, Presidentja Osmani ftoi prokurorët e rinj që të angazhohen për një sistem të drejtësisë të pavarur, të pandikuar dhe profesional”, thuhet në njoftim.
Ndërsa prokurorët e rinj u betuan se gjatë kryerjes së detyrave do t’i qëndrojnë kurdoherë besnik Kushtetutës së Republikës së Kosovës, ligjeve në fuqi dhe do të respektojnë rregullat e etikës profesionale./teve1.info./
