Presidentja e Kosovës, Vjosa Osmani pas takimit me liderët e partive në një prononcim për media ka deklaruar se në këtë takim ka kërkuar nga partitë politike shumicën.
E para e shtetit theksoi se përfaqësuesit e partive politike në takimin e sotëm nuk janë shpreh të gatshëm që të garantojnë shumicën.
Osmani ka kërkuar reflektim nga liderët e partive politike në rast se nuk ka mandatar të dytë.
Derisa, ajo shtoi se nuk mund të paragjykon se LVV me çfarë propozimi do të vijë për mandatarin e dytë.
Në fund, presidentja shtoi se Kosova mund t’i ketë dy palë zgjedhje në tre-katër muajt në vijim.
“Mund t’i kemi dy palë zgjedhje në tre-katër muajt në vijim që është një situatë e rëndë jo vetëm për KQZ-në që do të sfidohet me këto situata por edhe si një situatë ku qytetarët, fatkeqësisht për një periudhë të gjatë i bie që mos t’i ketë institucionet e veta me kompetencat e plota kushtetuese, u diskutua edhe mundësia që të kemi zgjedhje drejtpërdrejt të institucionit të presidentit nga populli, mundësi që unë e përkrahi dhe e kam përkrahur që nga viti 2010 e tutje, mendoi që është mënyra më e mirë sepse zëri i popullit është ai që nuk gabon kurrë….. Nuk mund të paragjykojë se me cfarë propozimi do të vijë LVV dhe a do të vijë me propozim apo jo. Unë iu kam kërkuar shumicë partive politike, ajo duhej të iu kërkohej sipas Kushtetutës, mirëpo sot nuk ishte askush i gatshëm që të garantojë shumicën, megjithatë jemi ende brenda afatit kushtetues për të pritur një gjë të tillë deri me datën 5 nëntor, e dyta që iu kam kërkuar ishte buxhet për qytetarët e Kosovës”, ka potencuar presidentja./teve1.info/
