Osmani tha se ish-sekretarja amerikane e shtetit, Madeleine Albright u bë zëri i Kosovës në periudhën kur populli i Kosovës po kalonte nëpër kohë të vështira.
“Për Kosovën absolutisht, por bota, e gjithë bota është një vend më i mirë, më i sigurt dhe me paqësor për shkak të njerëzve si sekretarja Albright. Populli i Kosovës ka pasur rastin të përjetojë drejtpërdrejtë fuqinë transformuese të lidershipit të saj. Ajo ishte një person që qëndroi gjithmonë në anën e duhur të historisë. Por në rastin tonë të veçantë, ajo u bë zëri ynë”, tha ajo.
Teksa shtoi se Madeleine Albright ishte ajo që siguroi që të drejtat themelore të popullit të Kosovës të mbroheshin.
