Presidentja e Kosovës, Vjosa Osmani, ka përkujtuar përvjetorin e 26-të të rënies së heroit Agim Ramadani.
Ajo ka thënë se sot nderohet kujtimi i një krijuesi dhe luftëtari të palodhur i cili dha gjithçka për lirinë e Kosovës.
Osmani ka shtuar se Ramadani nuk ishte vetëm poet, por një simbol i sakrificës, angazhimit dhe guximit të papërkulur.
“Sot, në përvjetorin e vrasjes së heroit Agim Ramadani, nderojmë kujtimin e një krijuesi dhe luftëtari të palodhur, i cili dha gjithçka për lirinë e Kosovës. Agimi nuk ishte vetëm i penës, por një simbol i sakrificës, angazhimit dhe guximit të papërkulur. Si poet dhe luftëtar, ai na la një trashëgimi të paharruar, duke i dhënë zë luftës për liri dhe dinjitet. Veprat e tij do të jetojnë gjithmonë, si një dëshmi e forcës që lindi nga bashkëdyzimi i shpirtit artistik me atë luftarak dhe lufta për një të ardhme më të mirë. Përherë i paharruar, Agim Ramadani, ti ishe dhe do të mbetesh hero i kombit tonë”, ka shkruar presidentja në Facebook.
