Presidentja e Kosovës, Vjosa Osmani ka kujtuar deklaratën Kushtetuese të 2 korrikut të vitit 1990 e shpallur nga 114 delegatë të Kuvendit.
Osmani ka thënë se me këtë datë historike, gra e burra sfiduan regjimin dhe i dhanë zë vullnetit të popullit për Kosovën duke e hapur rrugën drejt pavarësisë dhe lirisë.
Derisa, tha se kjo ditë guximi dhe vizioni mbetet themel i shtetësisë së Kosovës.
“Sot kujtojmë me krenari Deklaratën Kushtetuese të 2 Korrikut, të shpallur nga 114 delegatë të Kuvendit të Kosovës para dyerve të këtij institucioni të mbyllura dhunshëm nga regjimi kriminal i Serbisë. Me këtë akt historik, i cili i parapriu Kushtetutës së Kaçanikut më 7 shtator, gra e burra, sfiduan regjimin dhe i dhanë zë vullnetit të popullit për Kosovën Republikë, duke e hapur rrugën drejt pavarësisë dhe lirisë. Kjo ditë guximi dhe vizioni mbetet themel i shtetësisë sonë. Nderim i përhershëm për delegatët e 2 Korrikut, trasuesit e ëndrrës për Kosovën e lirë dhe sovrane”, ka shkruar Osmani./teve1.info/
