Misioni i OSBE-së në Kosovë ka thënë se është në dijeni për arrestimin e një anëtare të saj nga institucionet e Kosovës, e cila dyshohet për spiunazh për organet e Serbisë.
Në një reagim në Facebook, OSBE ka thënë në këtë fazë nuk mund të komentojë.
“Misioni i OSBE-së në Kosovë është në dijeni të raportimeve të mediave lidhur me ndalimin e një anëtari të Misionit. Ne jemi në kontakt me përfaqësuesin e tyre ligjor dhe po monitorojmë nga afër mirëqenien e tyre në përputhje me detyrën tonë të kujdesit. Përderisa Misioni nuk mund të komentojë më tej për këtë rast për shkak të hetimeve në vazhdim, ai mbetet i përkushtuar për të bashkëpunuar me autoritetet përkatëse”, thuhet në njoftim.
Misioni i OSBE-së ka shtuar se është në kontakt me institucionet përkatëse, e edhe me Sekretariatin në Vjenë “për të siguruar respektimin e procesit të duhur”.
Jelena Gjukanoviq u arrestuar të premten. Të dielën Gjykata Themelore i ka caktuar masën e paraburgimit prej 30 ditësh.
