Policia e Kosovës, në mbështetje të Njësisë për Reagim të Shpejtë, në orët e para të mëngjesit mbi dyshimin për organizimin e veprimtarisë së skemave piramidale dhe bixhozit të paligjshëm, kanë kontrolluar një shtëpi dhe një objektë përcjellës në një fshat të Skenderajt, raporton teve1.info
Për këtë kontroll, Policia fillimisht kishte siguruar leje nga gjyqtari i procedurës paraprake të Gjykatës Themelore në Mitrovicë – Dega në Skenderaj.
E gjatë kontrollit, në podrumin e shtëpisë Policia ka hasur në gjashtë persona të ulur rreth një tavoline.
Policia në tavolin ka hasur në 294 çipa për lojëra fati, tri palë letra bixhozi dhe një fletore xhepi për mbajtjen e evidencës së lojërave të fatit.
Po ashtu gjatë këtij kontrolli në oborr gjendeshin edhe shtatë vetura, ku në njëren prej tyre Policia ka gjetur një sprej kimik dhe një shufër gome.
“Gjithashtu janë kontrolluar edhe shtatë /7/ automjetet që gjendeshin në oborrin e shtëpisë ku në njërën prej automjeteve është gjetur një sprej kimik dhe një shufër gome. Të gjitha gjësendet e gjetura janë sekuestruar dhe do të procedohen si prova materiale në procedurën e mëtejme” thuhet në njoftim.
Policia ka bërë të ditur se B.SH 32-vjeçar është pronari i shtëpisë, dhe S.B 23-vjeçar është pronar i veturës.
Pas procedurës së intervsitimit, ndaj pronarit të shtëpisë është iniciuar rasti për veprën penale; ”Organizim i skemave piramidale dhe bixhozit të paligjshëm” ndërsa ndaj pronarit të automjetit është iniciuar rasti: ,,Mbajtje në pronësi, kontroll, posedim te pa-autorizuar të armëve”. Me urdhër të prokurorit të dy të dyshuarit janë liruar në procedurë të rregullt.
