Policia e Kosovës ka arrestuar një person në Podujevë, nën dyshimin për organizim të skemave piramidale dhe bixhoz të paligjshëm.
Përmes raportit 24-orësh, bëhet e ditur se, gjatë kontrollit në lokalin e të dyshuarit, njësitet policore kanë sekuestruar pajisje për lojëra fati dhe 69.80 euro para të gatshme.
Pas intervistimit dhe konsultimit me prokurorin, i dyshuari është liruar në procedurë të rregullt, ndërsa hetimet për rastin vazhdojnë.
“Është arrestuar i dyshuari m/k nën dyshimin se i njëjti ishte duke zhvilluar veprimtari të bixhozit të paligjshëm. Njësitet policore gjatë kontrollit në lokalin e të dyshuarit kanë sekuestruar pajisje të cilat shërbejnë për zhvillimin e lojërave të fatit dhe 69.80 € para të gatshme. Në konsultim me prokurorin i dyshuari pas intervistimit është liruar në procedurë të rregullt”, thuhet në raportin policor./teve1.info/
