Fondacioni “Hasan Prishtina” ka bërë të ditur se nesër do të organizojë një aksion simbolik kundër heqjes së emrit të Hasan Prishtinës nga Universiteti i Prishtinës “Hasan Prishtina”.
Ky fondacion së bashku me organizata e personalitete të tjera do të dërgojnë lule të freskëta tek shtatorja e Hasan Prishtinës në Prishtinë.
“Fondacioni “Hasan Prishtina” në bashkëpunim me Shoqatën Atdhetare Kulturore “Luma” nga Kukësi, SHHSHM-Shkup (Shoqata e historianve Shqiptar në Maqedoni),personalitete dhe historian nga bota akademike,më 02 Maj 2023, në shenje kundërshtimi ndaj idesë për heqjen e emrit Hasan Prishtina nga Universiteti i Prishtinës, organizon aksion simbolik ku do të dërgohen lule të freskëta tek shtatorja e Hasan Prishtinës në Prishtinë, me ç’rast do të deklarohen organizatoret rreth kundërshtimit të kësaj ideje dhe hapave që do të ndërmarrin në vijim”, thuhet në një njoftim.
Aksioni fillon nga ora 11:00, në oborrin e Rektoratit të Universitetit të Prishtinës “Hasan Prishtina”.
