Në fund të këtij muaji, emisari i Bashkimit Evropian për dialogun Kosovë-Serbi, Miroslav Lajçak e kryen mandatin e tij. Nga organizatat e luftës thonë se nuk ka pasur ndonjë të arritur të dialogojë për fatin e personave të pagjetur dhe kjo çështje sipas tyre është kthyer në politike.
Edhe pak ditë, do e mbajë postin e emisarit të Bashkimit Evropian për dialogun Kosovë Serbi.
E në fund të muajit janar, Miroslav Lajçakun do e zëvendësoj një pasues i ri.
Mirëpo për këtë mandat, Lajçak nuk po vlerësohet se ka ndonjë të arritur për fatin e të pagjeturve.
Sipas kryetarit të Këshillit të Familjarëve të Pagjetur, Ahmet Grajqevci nuk është punuar shumë nga zyrtarët e BE-së.
Pritje nga dyshja Lajçak e Borell nuk ka pasur as kryetari i Shoqatës së Invalidëve të Luftës, Xhevdet Qeriqi.
Sipas Qeriqit, duhet më shumë bashkëpunim me Shtetet e Bashkuara të Amerikës.
Gjatë mandatit të tij, sllovaku Lajçak arriti t’i pajtojë për një marrëveshje bazë të normalizimit të marrëdhënieve për Kosovën dhe Serbinë, pasuar nga një aneks të zbatimit të saj, mirëpo e njëjta ende nuk ka gjetur zbatim.
