Kjo erdhi pas vendimit të Këshillit të Etikës më 16 qershor rreth dyshimit për plagjiaturë të profesorëve Bujar Dugolli dhe Ardian Kastrati.
Ata përveç që kanë kërkuar përjashtimin e tyre nga Universiteti i Prishtinës, ORCA po kërkon që të dy profesorëve të iu hiqet edhe titulli akademik.
Sipas tyre, vendimet e Këshillit të Etikës më 16 qershor për dy profesorët janë qesharake, pasi siç thanë ata, Dugolli e Kastrati kanë bërë shkelje më të rënda dhe meritojnë dënim më të rëndë.
Këshilli i Etikës gjithashtu pati vendos që artikulli i plagjiarizuar nuk konsiderohet më punim i botuar nga autori dhe nuk mund të shfrytëzohet për avancim akademik.
“Plagjiatura është shkelja më e rëndë akademike. Në të gjitha vendet e botës dhe institucionet kredibile të tyre, plagjiatura përbën fundin e tolerancës disiplinore. Raste të ndryshme në botë, sidomos në vendet e BE-së, të njerëzve me pushtet si ministra a zyrtarë të tjerë të lartë shtetëror, kanë përfunduar me largimin e tyre nga jeta publike dhe heqjen e titujve e gradave shkencore të përfituara nga plagjiatura”, thuhet në reagimin e ORCA-s.
Senati i UP-së është shkalla e parë ankimuese.
