Përgjigjën për pyetjen e mësueses, e ditën të gjithë.
E të hënën, nxënësit u veshën më të njëjtat ngjyra.
Arsyet për këtë ishte kjo datë e veçantë.
Për këtë, edhe ora e parë mësimore në shkollën “Daut Bogujevci” në Fushë Kosovë, iu kushtua 17 shkurtit, Ditët së Pavarësisë së Kosovës.
Historikun e kësaj dite, duket se e dinë mirë shkollarët.
“Më 17 shkurt 2008, Kosova u shpall një shtet i pavarur, është vendi ynë, fallmuri i tij ështe me ngjzrë të kaltër”, u shpreh një nxënëse.
“17 shkurti është festa e pavarësisë edhe që është festa e shtetit të Kosovës”, ka thënë një nxënëse tjetër.
E një nxënës tjetër nga klasa e tretë, e di se liria e kishte çmimin e vet.
“Është një festë e madhe për Kosovën ku hero tonë e kanë dhënë jetën per Kosovën”, u shpreh edhe një nxënës.
E mësuesja Valdete Sopi, thotë se nxënësit e presin me padurim festën e 17 Shkurtit.
“Me të vërtetë nxënësit e presin me padurim festën e 17 shkurtit, është një festë që festohet cdo vit, edhe i përgatisim programet që i kushtohet festës së pavarësisë së Kosovës. Nxënësit kanë njohur qysh nga hapat e parë te parë të shkollimit, pse festohet kjo festë dhe organizohem në mënyrë më të mirë të mundshme që të ia kushtojmë kësaj feste”, u shpreh një mësuese.
E ora e parë mësimore, 17 shkurtit iu kushtua në të gjitha shkollat e vendit.
Kjo sipas arsimtarit të historisë, Vendos Krasniqit, ndihmon nxënësit që të kuptojnë rendësinë e kësaj dite.
“Historia e popullit shqiptar gjithmonë duhet që të mësohet, të dëgjohet dhe të bëhet përsëritja e saj. Kjo pasi nëse harrojmë të kaluarën mund ndodhë që të përsëritet”, ka thënë një mësimdhënës i historisë.
E pas mësimit, radha i erdhi programit artistik.
Edhe kjo, e përgatitur nga nxënësit.
