Për 17 ditë, qëndroi në Shtetet e Bashkuara të Amerikës. Por shefi i qeverisë destinacion nuk e pati kryeministrinë në Prishtinë të hënën.
Kështu kryeministri i vendit, Albin Kurti, nga New York-u udhëtoi për në Zvicër.
Atje i pari i ekzekutivit, njoftoi se do të marrë pjesë në Forumin Ekonomik Botëror në Davos.
Në ditën e parë të tij atje, takoi drejtuesit e kompanisë që mundëson pagesa online, PayPalit
Këto takime të Kurtit, po shihen si pozitive nga njohësit e çështjeve politike.
“Në qoftë se i gjithë lidershipi botëror ndodhet aty, do të jetë mundësi e mirë për Kosovën që edhe një herë Kosova ta rikonfirmojë angazhimin e saj me rastin e vendosjes së sanksioneve kundër Rusisë….”, tha Gazmir Raci, njohës i çështjeve politike.
Por, nga opozita, vizitat e Kurtit jashtë vendit thonë se po bën pa ndonjë strategji.
Nënkryetarja e LDK-së, Shqipe Mjekiqi e quajti shëtitje vizitën e Kurtit në SHBA.
E nga PSD, thonë se për këtë, Kurti duhet të jap përgjegjësi.
Ndryshe nga Zyra e Kryeministrit, kanë njoftuar se Kurti në Zvicër do të takohet edhe me liderë politikë si dhe do të marrë pjesë në panelin “Dialogu i Diplomacisë për Ballkanin Perëndimor”.
Raporti i gazetarit Fidan Zejnullahu.
