Udhëheqësi i opozitës izraelite, Yair Lapid ka bërë thirrje të hënën për mbyllje të ekonomisë dje shërbimeve në Izrael për të shtyrë qeverinë e Netanyahut që të shkojë në zgjedhje të parakohshme.
“Ne duhet të kalojmë nga protesta në rezistencë, kjo qeveri është një qeveri shkatërrimi,” tha Lapid, i cili drejton Partinë Demokratike, për radion lokale FM 103.
Ai ka ftuar të gjithë liderët e opozitës të krijojnë një dhomë të përbashkët për të koordinuar hapat e tyre kundër qeverisë Netanyahu, raporton Anadoly.
Ditëve të fundit mijëra izraelitë dolën në rrugë për të protestuar kundër vendimit të qeverisë për të shkarkuar Ronen Bar, kreun e agjencisë së sigurisë së brendshme Shin Bet dhe Prokurorin e Përgjithshëm Gali Baharav-Miara.
Ushtria izraelite ka nisur një fushatë të befasishme ajrore në Gaza që nga 18 marsi, duke vrarë më shumë se 700 palestinezë, duke plagosur mbi 1000 të tjerë dhe duke shkatërruar një marrëveshje armëpushimi dhe shkëmbimi të të burgosurve që u arrit në janar.
