Projektbuxheti i qeverisë do të shkojë të enjten për diskutim dhe votim në Kuvend. Mirëpo, qysh tani kundër tij janë shprehur partitë opozitare. Ata dhanë arsyet pse nuk e mbështesin projektbuxhetin, derisa për të folur për të, ministri Hekuran Murati mblodhi sot deputetët e Grupit Parlamentar të Lëvizjes Vetëvendosje.
Të enjten deputetët do t’ia mësyjnë ulëseve në Kuvend, e para tyre do jetë njëra nga pikat më të rëndësishme: ajo e projekt-buxhetit.
Por dy partitë opozitare thonë se në seancë do votojnë kundër projektbuxhetit për vitin 2024.
Madje ish ministrja e Financave, Hykmete Bajrami që vjen nga radhët e LDK-së ka kritika të ashpra për këtë çështje.
Bile, ajo po thotë se ndarja e buxhetit është bërë në mënyrë të padrejtë.
Tregon edhe arsyen pse.
Kundër pritet të votojë edhe AAK.
Televizioni ka pyetur edhe PDK-në nëse do e votojnë buxhetin të enjten, por nuk ka marrë përgjigje gjatë ditës.
Derisa, ministria e udhëhequr nga Hekuran Murati, nuk ka dashur që të flas për akuzat e opozitës.
Arsyetimi i tyre ishte që gjithçka do të thuhet në seancën e së enjtes.
Por televizioni ka mësuar se i pari i Financave, mbajti mbledhje me deputetë të Grupit Parlamentar të Lëvizjes Vetëvendosje.
Burimet e TEVE1 bëjnë me dije që takimi që zgjati disa orë kishte një temë: bindja e deputetëve për të votuar pro projektbuxhetit për vitin e ardhshëm.
Qeveria ka miratuar para dy jave projekt-buxhetin për vitin e ardhshëm në vlerë prej 3 miliardë e 314 milionë euro.
Arton Rama
