Policia ka dhënë detaje për zbatimin e urdhrit operativ “Goditja” nga 8 deri më 12 gusht, me qëllim goditjen e personave dhe grupeve që me veprimet e tyre bien ndesh me ligjin
PK ka bërë të ditur se gjatë kësaj periudhe janë realizuar mbi 2 mijë pika kontrolli për automjete, janë kontrolluar mbi 12 mijë vetura e janë arrestuar 72 persona.
“Policia do të vazhdojë të kryejë dhe të realizojë pikat e parapara me këtë urdhër me qëllim që rastet kriminale dhe aktivitet tjera antiligjore të parandalohen dhe zvogëlohen sa më shumë. Policia e vetëdijshme se rezultatet nuk do të ishin në nivelet e dëshiruara pa bashkëpunimin me qytetarët, i fton të gjithë ata që posedojnë, ose janë prezent në situata ku mund të ketë shkelje ligjore, dukuri tjera tëndaluara, ku shfaqen situata ku mund të rrezikohet jeta e qytetarëve, ta lajmërojnë policinë”, thuhet në një njoftim.
