Një 14 vjeçar për herë të parë iu nënshtrua një intervenimi mjekësor.
Por edhe për mjekët e Qendrës Klinike Universitare të Kosovës ishte hera e parë që bëjnë këtë lloj të operacionit.
Bëhet fjalë për procedurën e kateterizimit në zemër.
E gjithë procedura ka kaluar pa komplikime.
Për problemet shëndetësore të cilat i ka pasur fëmija dhe për intervenimin në fjalë, foli doktori i cili ishte pjesë e stafit që kryen operacionin.
“Fillimisht është trajtuar në mënyrë ambullantore nga një kolege e jona e cila e ka regjistru një shtypje të lartë të gjakut tek djali dhe nuk ka gjet një arsye tjetër dhe ajo ka propozuar që të bëhet ekzaminimi i detajuar. Fëmijën e kemi pranu para dy jave në klinikë dhe i kemi bërë të gjitha ekzaminimet dhe nuk kemi gjet një arsye tjetër me metoda jo invazive dhe ka mbet si metoda e fundit pra diagnozimi invaziv pra Hemodinamik të cilin e kemi kryer sot”, shprehet Ramush Bejiqi-pediatër.
E që ky ekzaminim bëhej për herë të parë në Kosovë, doktori tregoi që prindi nuk ka qenë në dijeni.
Vështirë ka qenë vetëm presioni që është i pari. Madje fatmirësisht prindi nuk e dinte që është i pari sepse jemi frikësu që do të ketë stres ose diçka, tregon ai.
E gjithë kjo procedurë është kryer nga mjekët e Klinikës së Pediatrisë, në bashkëpunim me ata të Klinikës së Kardiologjisë.
