Kandidati për deputet i LDK-së, Ardian Olluri e ka quajtur të çuditshme por të pritshme gjuhën e kryeministrit Albin Kurti gjatë fushatës zgjedhore.
Sipas tij Kurti po vepron kështu për të mbuluar mungesën e programit dhe mungesën e suksesit në qeverisje.
“Gjuha edhe sjelljet e kryeministrit gjatë kësaj fushate janë të çuditshme por për mua janë të pritshme nuk më befasojnë, sepse një qeveri e cila për katër vite nuk ka zhvilluar asnjë projekt kapital të madh, nuk ka bërë asnjë reformë në asnjë fushë dhe nuk ka program qeverisës të cilin e prezanton gjatë kësaj fushate zgjedhore nuk i mbetet opsion tjetër përveç që të bëjë veprime të tilla për të mbuluar mungesën e programit dhe mungesën e suksesit në qeverisje”, ka thënë ai në emisionin “Info Nata” në Tëvë1.
Paneli Zgjedhor për Ankesa dhe Parashtresa (PZAP) ka gjobitur sërish subjetin politik Lëvizjen Vetëvendosje me 3 mijë e 500 euro, për shkak të gjuhës së përdorur nga kryeministri Albin Kurti, në një tubim elektoral në Podujevë.
“Te dashur qytetarë të Llapit, LYDYKYII – Lidhja Demokratike e Kosovës nuk është Lidhje, por është lodhje, dhe nuk është demokratike, por është dokrarike, e ne përgjithësi mender methane opozita po i japin zor mule anej mule knej për vend të dytë, poget e kanë pa edhe ata vet që s’ka ymyt, se qashtu qysh Shpejtimi i ka myt, Vetëvendosja po i myt cep më cep në Republikën e Kosovës”, ka thënë Kurti në tubimin në Podujevë.
