Kësisoj Këshilli i Sigurimit i Kombeve të Bashkuara zhvilluan një mbledhje për të diskutuar krizën globale që Rusia po shkakton me anulimin e marrëveshjes për eksportin e grurit ukrainas.
Megjithatë ambasadori rus Vassily Nebenzia, këmbënguli në pretendimin se Ukraina po nxit konflikt, ku sipas tij këta të fundit kishin kryer sulme në anijet dhe infrastrukturën ruse.
“Pala ruse nuk mund të garantojë sigurinë e anijeve civile që marrin pjesë në nismën e Detit të Zi. Ne nuk duam që Kievi të përgatit akte të tjera terrori me mbështetjen e sponsorëve të tij perëndimorë. Prandaj, ne jemi të detyruar të pezullojmë zbatimin e kësaj nisme, për një periudhë kohore të pacaktuar”, tha ai.
Ndërkaq zyrtarë ukrainas reaguan duke shprehur se nuk habiten me veprimet e forcave ruse.
“Ne jemi të indinjuar, por jo të befasuar nga njoftimi i Rusisë për të pezulluar pjesëmarrjen në Detin e Zi. Ky njoftim nuk erdhi krejt papritur, pasi Rusia nuk ka hequr dorë kurrë nga përkeqësimi i krizës ushqimore si një mjet presioni dhe shantazhi”, tha Sergiy Kyslytsya- ambasador i Ukrainës në Kombet e Bashkuara,shkruan AP, përcjell Tëvë1.
Krye koordinatori për çështje humanitare të OKB-së, tha se është e rëndësishme për të gjithë që të stabilizohet situata për të shmangur një krizë më të madhe.
“Ne shpresojmë dhe presim që të gjitha vendet anëtare të punojnë për të siguruar që eksportet e ushqimit dhe plehrave të arrijnë me shpejtësi në tregjet globale. Sepse nëse ne nuk mund të nxjerrim më shumë plehra, do të përballemi me mungesa më të këqija vitin e ardhshëm”, tha ai.
“Rusia po demonstron edhe një herë vullnetin e saj për të armatosur ushqimin. Veprimet e saj ndikojnë drejtpërdrejt në vendet me të ardhura të ulëta dhe të mesme duke rritur çmimet globale të ushqimit dhe duke përkeqësuar krizat tashmë të rënda humanitare në sigurinë globale të ushqimit”, Jeffrey Delaurentis- zëvendës ambasador i ShBA-së në Kombet e Bashkuara.
Ukraina e Rusia janë furnizuesit thelbësor sidomos për vendet që po luftojnë me urinë,Jeffrey Delaurentis- zëvendës ambasador i ShBA-së në Kombet e Bashkuara/Tëvë1/.
