Nëntogeri i FSK-së, Emir Vllasa ka arritur të shpërblehet me medaljen e argjendtë në garën Military Crossfit competition “Virbus Unitis 2023” që është mbajtur në Kroaci.
Në një postim nga Facebook, nga FSK-ja bëjnë të ditur se gara ishte individuale dhe e ndarë në kategori bazuar në moshë dhe gjini, përcjell teve1.info
“Nëntoger Emir Vllasa pjesëmarrës nga Kosova në garën, Military Crossfit competition ‘Virbus Unitis 2023’ që është mbajtur në Republikën e Kroacisë, në garën shumë sfiduese ku pjesëmarrës ishin njësi të ndryshme të sektorit të sigurisë, ushtarakë, policë, njësi speciale intervenuse, forca detare, zjarrfikës, gardian etj, ka arrritur rezultate të larta duke u radhitur i dyti në kategorinë ku ishte pjesmarrës. Gara ishte individuale dhe e ndarë në kategori në bazë të moshës dhe gjinisë, oficeri Vllasa në kategorinë 35-40 vjeç, arriti të grumbulloi pikë dhe të radhitet në vendin e dytë dhe të shpërblehët me ‘Medaljen e argjendtë’”, thuhet në njoftim.
