Ministri i Mbrojtjes, Armend Mehaj, ka bërë të ditur se oficerët e rinj kanë përfunduar me sukses të lartë ushtrimin fushon final të Kursit Bazik për Oficer.
Gjenerata e parë e Kursit Bazik për Oficer, ka përfunduar ushtrimin fushor të fundit, pas katër muajve akademik në kursin përkatës, i cili realizohet në kuadër të Shkollës së Oficerëve, raporton teve1.info
Kursi Bazik për Oficer është i përbërë nga tri faza, ku kursantët u testuan në pjesën teorike dhe praktike në modulet e Operacioneve I dhe Operacioneve II.
“Përkundër motit të ftohtë dhe sfidave të ndryshme në terren, kandidatët treguan përkushtim maksimal dhe rezultate të larta në ushtrim.
Ju lumtë dhe vazhdojmë me suksese të reja!”, ka shkruar ministri në një postim në Facebook.
