Ministria e Mbrojtjes së Kosovës ka njoftuar se kanë diplomuar 4 oficer nga FSK-ja si dhe 2 oficerë në Kursin e Lartë të Oficerit.
Sipas njoftimit, ky organizim është bërë nga Kolegji i Mbrojtjes dhe Sigurisë në Shqipëri.
“Në ambientet e amfiteatrit të Ministrisë së Mbrojtjes së Republikës së Shqipërisë, Kolegji i Mbrojtjes dhe Sigurisë në Republikën e Shqipërisë ka organizuar ceremoninë e diplomimit të kursantëve të Kursit të Komandës dhe Shtabit të Përgjithshëm dhe Kursit të Lartë të Oficerit”, thuhet në njoftim.
Ministria ka bërë të ditur se programet e këtyre kurseve ofrojnë dhënien e njohurive të nevojshme për planifikimin dhe drejtimin e operacioneve luftarake.
“Programet e këtyre kurseve ofrojnë dhënien e njohurive të nevojshme për planifikimin dhe drejtimin e operacioneve luftarake në një mjedis operacional kompleks që lidhet me sigurinë kombëtare, aftësimin për të marrë vendime të drejta dhe për të dhënë këshilla të sakta në rastet kur shqyrtohet përdorimi i forcës ushtarake”, njofton ministria./teve1.info/
