Përmes një reagimi në Facebook nga kjo odë thuhet se nuk do t’i pranojnë shantazhet politike dhe ndërhyrjet në pavarësinë e sistemit gjyqësor për interesa politike të ministrisë së Drejtësisë.
Në njoftim thuhet se do t’i përdorin të gjitha mjetet deri në shfuqizimin e këtij udhëzimi administrativ.
“Oda e Përmbaruesve të Kosovës është shumë e shqetësuar për zhvillimet e djeshme lidhur me profesionin e përmbarimit! Oda e Përmbaruesve nuk i pranon shantazhet politike, ndërhyrjet në pavarësinë e sistemit gjyqësor, dhe shfrytëzimin e përmbarimit për interesa politike të Ministrisë së Drejtësisë ose ndonjë klani të caktuar! Oda do t’i shfrytëzojë të gjitha mjetet e nevojshme dersia të shfuqizohet Udhëzimi Administrativ, siç është publikuar dje nga Ministria e Drejtësisë, ashtu që të rikthehet pavarësia e profesionit, të ri-sigurohet integriteti i përmbaruesit, dhe të shmangen keqkuptimet ose keqpërdorimet e profesionit për fushata politike! Në vijim paraqesim Deklaratën për Shtyp lidhur me zhvillimet e djeshme, e ndërkohë do ta njoftojmë publikun për zhvillimet e mëtejme”, thuhet në njoftim.
