Kriza e urisë në Gaza mbetet “katastrofike” dy javë pasi armëpushimi hyri në fuqi, paralajmëroi agjencia e shëndetësisë e OKB-së, ndërsa grupet ndërkombëtare të ndihmës i kërkuan Izraelit të ndalojë bllokimin e dërgesave humanitare.
Furnizimet që hyjnë në enklavën e rrethuar nuk po i plotësojnë nevojat ushqyese të njerëzve që jetojnë atje, njoftuan grupet e ndihmës të enjten, ndërsa Programi Botëror i Ushqimit i OKB-së tha se furnizimet në Gaza janë ende shumë më të ulëta se objektivi i tij i përditshëm prej 2,000 tonësh, sepse vetëm dy kalime në territorin palestinez janë të hapura, shkruan Al Jazeera.
“Situata mbetet ende katastrofike sepse ajo që po hyn nuk është e mjaftueshme”, tha Tedros Adhanom Ghebreyesus, kreu i Organizatës Botërore të Shëndetësisë, duke shtuar se “nuk ka asnjë rënie në urinë sepse nuk ka ushqim të mjaftueshëm”.
