Një punëtore e një marketi në Obiliq ka raportuar në polici se një konsumatore ka tentuar të paguajë me para fals.
Sipas ankueses, e dyshuara ka tentuar të paguajë me 200 euro të falsifikuara.
Megjithatë, ajo nuk e ka kryer pagesën dhe e ka lënë monedhën së bashku me mallin në market.
Monedha është konfiskuar dhe rasti është duke u hetuar.
“Ankuesja femër kosovare ka informuar se një konsumatore ka tentuar të kryejë një pagesë me 200 euro të falsifikuara, mirëpo e njëjta kishte lënë monedhën dhe mallin dhe ishte larguar nga marketi. Monedha është konfiskuar dhe rasti është duke u hetuar”, thuhet në njoftimin e policisë.
