Policia e Kosovës në kuadër të aktiviteteve edukative dhe informuese ka pritur në një vizitë disa nxënës të ciklit të mesëm të ulët.
Nxënësit, kanë pasur rastin të njihen për së afërmi me disa nga punët e PK-së.
“Qëllimi i realizimit të kësaj vizite ishte që nxënësit të mësojnë për rolin e policëve në ruajtjen e rendit dhe ofrimin e sigurisë, po ashtu të njoftohen edhe me procedurat e punës dhe detyrat e ndryshme që kryhen nga punonjësit e PK-së si dhe të shohin nga afër disa nga pajisjet të cilat përdoren gjatë punës rutinore”, thuhet në njoftim.
Gjithashtu, në njoftim është bërë e ditur se zyrtarët policorë ia shpjeguan nxënësve se si mund të komunikojnë me Policinë e Kosovës në raste emergjente.
“Gjatë kësaj vizite zyrtarët policor shfrytëzuan rastin që përveç pyetjeve që ua parashtronin nxënësit, të njëjtëve t’u shpjegohet edhe se si ata mund të komunikojnë me Policinë e Kosovës në raste emergjente dhe se si mund të mbrohen nga rreziqet potenciale”, thuhet në njoftim.
Në shenjë falënderimi për vizitën e realizuar Policia e Kosovës në fund u shpërndau fëmijëve disa dhurata modeste./teve1.info/
