Një nxënës 13-vjeçar, i mitur në hapësirat e një shkolle në Ferizaj është parë nga njësiti i planit operativ “Siguria në shkolla” me një armë zjarri.
Lajmin për tëvë1.info e ka konfirmuar zëdhënësi i policisë për rajonin e Ferizajt, Kanun Veseli.
Lidhur me rastin, Veseli tha se policia ka reaguar menjëherë dhe gjatë kontrollit ka gjetur armën (pistoletë) pa fishekë.
Kurse, i mituri për shkak të moshës nuk është intervistuar në përputhje me ligjin.
“Sot rreth orës 12:30, njësiti i planit operativ “Siguria në shkolla” nga stacioni policor i Ferizajt është njoftuar se në një shkollë në Ferizaj, një nxënës i mitur, 13-vjeçar, ishte parë me një armë zjarri në hapësirat e shkollës. Arma ishte në pronësi të prindit të nxënësit, që posedonte leje të rregullt për mbajtje të armës. Më pas arma e zjarrit dhe municioni janë konfiskuar nga prindi me proces të rregullt policor. I mituri, për shkak të moshës, nuk është intervistuar, në përputhje me ligjin. Për rastin është njoftuar Prokurori i Shtetit – Departamenti për të Mitur, i cili ka iniciuar shënim zyrtar, nën kompetencë të prokurorit për veprime tjera”, deklaroi Veseli./teve1.info/
