Anëtari i PSD-së, Nol Nushi ka thënë se Kurti nuk e ka bërë të qartë deklaratën ndaj ndërkombëtarëve se Serbia është përgjegjëse për sulmin në Ibër-Lepenc.
Nushi thotë se nuk ka qenë skenar i përgatitur nga Kurti, sulmi i 29 nëntorit në veri, pasi sipas tij kryeministri e ka armikun e gatshëm andej kufirit.
Madje, Nushi përmend edhe deklaratën e deputetit gjerman i cili ka thënë se Kosova dhe Serbia kanë nevojë për njëri-tjetrin për të pasur tensione.
“Besoj është konsum i brendshëm edhe për Kosovë dhe për Kroaci duke ditur relacionet edhe të Kosovës edhe të Kroacisë karshi Serbisë dhe efektet e këtyre deklaratave që mund të kenë në opinionet e brendshëm atje dhe në Kosovë sepse Kurti qysh e pamë me ndërkombëtarët nuk po e bënë kaq të qartë qysh po e thotë në Kroaci se Serbia është përgjegjëse për sulmin në Ibër-Lepenc. A mund të jetë skenar organizuar nga Kurti, ajo që ndodhi në Ibër-Lepenc. Ish-mbështetësit e Kurtit, deputeti gjerman ku ka thënë se këta dy popullist në Ballkan kanë nevojë për njërin-tjetrin për të pasur tensione, unë nuk besoj që është skenar i përgatitur nga Kurti sepse ka nevojë sepse e ka armikun e gatshëm andej kufirit dhe ka interes edhe të faktorëve të tjerë të jashtëm. Çështja e Qeverisë është se qysh iu përgjigjemi këtyre tensioneve”, ka thënë Nushi.
Sipas Nushit nuk është lajm i mirë shtimi i forcave të shumta të NATO-s në veri të vendit.
“Kurrë më shumë se në veri të vendit nuk ka pasur forca të shumta të NATO-s, ky nuk është një lajm i mirë për Kosovën për subjektivitetin ndërkombëtar të Kosovës. Janë rreth 5000 mijë trupa të NATO-s, numri pothuajse është dhjetëfishua”, tha ai.
I pyetur për dialogun e radhës i cili do të mbahet më 17 dhjetor mes Kosovës dhe Serbisë, ai thotë se mundet me shkua shumë më keq për Kosovën.
Ai tha se Qeveritë të cilat janë ndërruar në Evropë, tani nuk janë forca që kanë qenë aleatë të Kosovës.
“Frika ime është që dialogu potencialisht mundet me shkua shumë më keq për Kosovën në vazhdimin e viteve, por tani më janë duke u ndërruar plotë Qeveri edhe në Evropë, ajo e Amerikës ndërroi, dhe nuk janë duke ardhur forca që kanë qenë le të themi automatikisht aleate të Kosovës, forca pro-ruse po fitojnë gjithandej nëpër Evropë, po rriten dhe po iu forcohet ndikimi, unë nuk e di se me aleatët kryesor me ata që na e kanë mbajtur krahun tonë nuk kemi mbërritur me e pasur një marrëveshje të mirë, qysh dëshiron Kurti me përmirësua marrëveshjen me ata që nuk e di a mundemi më me i quajtur më aleat, pesha e Serbisë në arenën ndërkombëtare është rritur me kalimin e kohës”, ka deklaruar Nushi./teve1.info/
