Kanë kaluar më shumë se 14 orë që nga goditja e tërmetit në Marok dhe numri i të vdekurve vazhdon të rritet, ku deri më tani ka arritur mbi 1 mijë.
Tërmeti me magnitudë 7.2, më vdekjeprurësi i Marokut në më shumë se 60 vjet, goditi malet e Atlasit të Lartë të premten mbrëma vonë.
Shumica e vdekjeve ndodhën në zonat malore jashtë Marrakech, qyteti më i afërt me epiqendrën, raporton Reuters.
Autoritetet u kanë bërë thirrje banorëve të dhurojnë gjak pasi spitalet kanë parë një fluks të të lënduarve.
Turqia thotë se është gati të dërgojë 265 personel dhe 1,000 tenda në Marok për të mbështetur përpjekjet e ndihmës pas tërmetit vdekjeprurës, sipas AFAD, Autoriteti i Menaxhimit të Emergjencave të Turqisë.
